കൊച്ചി: മലങ്കര ഓര്‍ത്തഡോക്സ് സഭയുടെ ക്ഷണം സ്വീകരിച്ച് കേരളം സന്ദര്‍ശിക്കുന്ന അര്‍മ്മീനിയന്‍ സഭയുടെ കിലിക്യാ കാതോലിക്കോസ് ബാവാ പ. അരാം പ്രഥമന് നെടുമ്പാശ്ശേരി അന്താരാഷ്ട്ര വിമാനത്താവളത്തില്‍ ഉജ്ജ്വല എതിരേല്‍പ്പ് നല്‍കി.
ശ്രേഷ്ഠ നിയുക്ത കാതോലിക്കാ ബാവാ അഭി. പൌലോസ് മാര്‍ മിലിത്തിയോസ്,അഭി.യുഹനോന്‍ മാര്‍ മിലിത്തിയോസ്, അഭി. ഗീവര്‍ഗീസ് മാര്‍ കൂറീലോസ്,അഭി. ഡോ. ഗബ്രിയേല്‍ മാര്‍ ഗ്രീഗോറിയോസ്, അഭി. യാക്കോബ് മാര്‍ ഐറേനിയോസ്, അഭി. യൂഹാനോന്‍ മാര്‍ പോളിക്കാര്‍പ്പോസ്, വൈദിക ട്രസ്റി ഫാ. ജോണ്‍സ് ഏബ്രഹാം കോനാട്ട്, അസ്സോസിയേഷന്‍ സെക്രട്ടറി ഡോ. ജോര്‍ജ്ജ് ജോസഫ്, അത്മായ ട്രസ്റി എം. ജി. ജോര്‍ജ് മുത്തൂറ്റ്, പി. ആര്‍. ഒ പ്രൊഫ. പി. സി. ഏലിയാസ് തുടങ്ങിയവര്‍ ബാവായെ സ്വീകരിക്കാന്‍ വിമാനത്താവളത്തില്‍ എത്തിയിരുന്നു.
ഇന്ന് രാവിലെ 8 മണിക്കുള്ള എമിറേറ്റ്സ് വിമാനത്തില്‍ ബെയ്റൂട്ടില്‍ നിന്നും ദുബായ് വഴിയായാണ് പ. ബാവാ കേരളത്തിലെത്തിയത്. ആര്‍ച്ച് ബിഷപ്പ് സെബൂമഗ് സിയാന്‍ , ബിഷപ്പ് നറോഗ് അല്‍മേഷ്യന്‍, ഫാ. മോസ്റോബ് സര്‍ക്കിസിയന്‍ എന്നിവരും പരി. ബാവായോടൊപ്പം കേരളം സന്ദര്‍ശിക്കുന്നുണ്ട്.
ഇന്ന് വൈകിട്ട് 3.30 ന് അദ്ദേഹം വിവിധ സഭാ മേലദ്ധ്യന്മാരുമായി കൂടികാഴ്ച നടത്തും. 7 മണിക്ക് ദേവലോകം കാതോലിക്കേറ്റ് അരമനയില്‍ പരിശുദ്ധ ദിദിമോസ് പ്രഥമന് ബാവാ നല്‍കുന്ന വിരുന്നില്‍ പങ്കെടുക്കും.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
കുറിപ്പ്: ഈ ബ്ലോഗിലെ ഒരു അംഗത്തിനു മാത്രമേ അഭിപ്രായം പോസ്റ്റ് ചെയ്യാന്‍ കഴിയൂ.