കോട്ടയം, ഫെ 27:മലങ്കര ഓര്‍ത്തഡോക്സ് സുറിയാനി സഭാ സുന്നഹദോസ് സമ്മേളിക്കുന്നതിനും റിട്ടയര്‍ ചെയ്യുന്ന മെത്രാപ്പോലീത്താമാര്‍ക്ക് താമസിക്കുന്നതിനുമുള്ള സിനഡ് ധ്യാനകേന്ദ്രത്തിനും കുവൈറ്റ് സെന്റ് ഗ്രീഗോറിയോസ് മഹാ ഇടവകയുടെ സഹകരണത്തോടെ സ്തേഫാനോസ് മാര്‍ തേവോദോസിയോസ് സ്മാരകമായി പണിയുന്ന ചാപ്പലിനും അര്‍മീനിയന്‍ ഓര്‍ത്തഡോക്സ് സഭാ തലവന്‍ പരിശുദ്ധ അരാം പ്രഥമന്‍ കാതോലിക്കാ ഫെ 27നു് ശിലാസ്ഥാപനം നടത്തി.
പ. വട്ടശ്ശേരീല്‍ തിരുമേനിയുടെ 76 - ാം ഓര്‍മ്മ പെരുന്നാളിന് വി. കുര്‍ബ്ബാനയില്‍ പങ്കെടുക്കുകയും സ്മാരകപ്രഭാഷണം നടത്തുകയും ചെയ്തതിന് ശേഷമാണ് ധ്യാനകേന്ദ്രത്തിന് ശിലാസ്ഥാപനം നിര്‍വ്വഹിച്ചത്. പ. ബസേലിയോസ് മാര്‍ത്തോമ്മാ ദിദിമോസ് പ്രഥമന്‍ കാതോലിക്കാ ബാവാ അടിസ്ഥാന ശില ആശീര്‍വദിച്ചു.
മനുഷ്യ ജീവിതം ഈശ്വരോന്മുഖമായ അഭംഗുര തീര്‍ത്ഥ യാത്രയായി മാറണമെന്ന് അദ്ദേഹം അഭിപ്രായപ്പെട്ടു. അടുിയുറച്ച വിശ്വാസം അഗാധമായ സ്നേഹം അതിരുകളില്ലാത്ത പ്രത്യാശ, മുന്‍വിധികളില്ലാത്ത ഒരുമിപ്പ് എന്നീ അടിസ്ഥാന മൂല്ല്യങ്ങളില്‍ അധിഷ്ഠിതമായ ജീവിതം നയിക്കാന്‍ അദ്ദേഹം ആഹ്വാനം ചെയ്തു
ഫാ. പി. എ. ഫിലിപ്പ് പ്രസംഗം പരിഭാഷപ്പെടുത്തി. പ. കാതോലിക്കാ ബാവാ, ശ്രേഷ്ഠ നിയുക്ത കാതോലിക്കാ പൌലോസ് മാര്‍ മിലിത്തിയോസ്, കുര്യാക്കോസ് മാര്‍ ക്ളീമ്മീസ്, ഡോ. മാത്യൂസ് മാര്‍ സേവേറിയോസ്, പൌലോസ് മാര്‍ പക്കോമിയോസ്, ഡോ. യാക്കൂബ് മാര്‍ ഐറേനിയോസ്, ഡോ. ഗബ്രീയേല്‍ മാര്‍ ഗ്രീഗോറിയോസ്, ഡോ. സഖറിയാ മാര്‍ തെയോഫിലോസ്, യൂഹാനോന്‍ മാര്‍ ക്രിസോസ്റമോസ്, മാത്യൂസ് മാര്‍ തേവോദോസിയോസ്, ഡോ. ജോസഫ് മാര്‍ ദിവന്നാസ്യോസ്, ഡോ. മാത്യൂസ് മാര്‍ തീമോത്തിയോസ്, അലക്സിയോസ് മാര്‍ യൌസേബിയോസ്, ഡോ. യൂഹാനോന്‍ മാര്‍ ദിയസ്ക്കോറോസ് എന്നീ മെത്രാപ്പോലീത്താമാരും, ഫാ. ഡോ. ജോണ്‍ മാത്യൂസ്, ഫാ. ഡോ. നഥാനിയേല്‍ റമ്പാന്‍, ഫാ. വി.എം. ജയിംസ്, ഫാ. യൂഹാനോന്‍ റമ്പാന്‍, ഫാ. ഡോ. സാബു കുറിയാക്കോസ്, ഫാ. ഡോ. ജോര്‍ജ് പുലിക്കോട്ടില്‍ ഫാ. വി. എം. എബ്രാഹാം എന്നീ നിയുക്ത മെത്രാന്മാരും പങ്കെടുത്തു. സെമിനാരി പ്രിന്‍സിപ്പല്‍ ഫാ. ഡോ. കെ. എം. ജോര്‍ജ്, മാനേജര്‍ ഫാ. എം. സി. കുറിയാക്കോസ് എന്നിവര്‍ പ്രസംഗിച്ചു.
കണ്ടനാട്‌ ഈസ്‌റ്റ് ആസ്‌ഥാനമായ മൂവാറ്റുപുഴയില്‍ പുതുതായി പണിയുന്ന സെന്റ്‌തോമസ് കത്തീഡ്രലിനും ബാവാ അടിസ്ഥാന ശിലയിട്ടു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
കുറിപ്പ്: ഈ ബ്ലോഗിലെ ഒരു അംഗത്തിനു മാത്രമേ അഭിപ്രായം പോസ്റ്റ് ചെയ്യാന്‍ കഴിയൂ.