സഭാ ഐക്യം അനിവാര്യം
ചങ്ങനാശേരി, ഫെ 25: സഭൈക്യ സംവാദം സഭകളുടെ മുമ്പില്‍ സാധ്യതകളും വെല്ലുവിളിയുമാണെന്ന്‌ കിലിക്യാ അര്‍മ്മീനിയന്‍ ഓര്ത്തഡോക്സ് സഭയുടെ തലവനും വേള്‍ഡ് റിലിജിയന്‍സ് ഫോര്‍ പീസ് പ്രസ്ഥാനത്തിന്റെ സ്ഥാപക പ്രസിഡണ്ടുമായ പരിശുദ്ധ അരാം പ്രഥമന്‍ കാതോലിക്കാ പറഞ്ഞു. മലങ്കര ഓര്ത്തഡോക്സ് സുറിയാനി സഭാ അദ്ധ്യക്ഷന്‍ പ. ബസ്സേലിയോസ് മാര്‍ത്തോമ്മാ ദിദിമോസ് പ്രഥമന്‍ കാതോലിക്കാ ബാവായുടെ ക്ഷണപ്രകാരം കേരളം സന്ദര്‍ശിക്കുന്ന പരിശുദ്ധ അരാം പ്രഥമന്‍ ബാവായ്‌ക്ക്‌ ചങ്ങനാ ശേരി ആര്‍ച്ച്‌ബിഷപ്‌സ്‌ ഹൗസില്‍ നല്‍കിയ സ്വീകരണത്തില്‍ അര്‍മേനിയന്‍ സഭയും സഭൈക്യ സംരംഭങ്ങളും എന്ന വിഷയ ത്തെക്കുറിച്ച്‌ പ്രഭാഷണം നടത്തുകയായിരുന്നു കാതോലി ക്കാ ബാവാ.
സഭൈക്യം ദൈവേഷ്ടമാണ്‌. സഭൈക്യത്തിനുവേണ്‌ടി പ്രവര്‍ത്തിക്കാന്‍ എല്ലാ സഭാ മക്കള്‍ക്കും ബാധ്യതയുണ്‌ട്‌. അര്‍മേനിയന്‍ സഭ എല്ലാ ക്രൈ സ്‌തവ സഭകളുമായും സഹകരണത്തിലും സംവാദത്തിലുമാണ്‌.
മുസ്‌ലിംകളുമായും ആശയ സംവാദങ്ങള്‍ നടത്തുന്നുണ്‌ട്‌. കത്തോലിക്കാ സഭയുടെ സഭൈ ക്യശ്രമങ്ങള്‍ ശ്ലാഘനീ യമാണെ ന്നും കാതോലിക്കാ ബാവാ കൂട്ടിച്ചേര്‍ത്തു.
വിദ്യാഭ്യാസ രംഗത്ത്‌ പ്രതിസന്ധി കളുണ്‌ടാ കുമ്പോഴും സാംസ്‌കാരിക ഇടപെടലുകള്‍ വേണ്‌ടിവരുമ്പോഴും ശക്തമായി പ്രതികരി ക്കാറുണെ്‌ടന്നും മിഡില്‍ ഈസ്റ്റ്‌ കൗണ്‍സില്‍ ചര്‍ച്ച്‌ ചെയര്‍മാന്‍കൂടിയായ അരാം പ്രഥമന്‍ കാതോലിക്കാ ബാവാ പറഞ്ഞു.
ആര്‍ച്ച്‌ബിഷപ്‌ മാര്‍ ജോസഫ്‌ പവ്വത്തില്‍ സമ്മേളനത്തിനു സ്വാഗതം ആശംസിച്ചു. അര്‍മേനിയന്‍ മെത്രാന്മാരായ ആര്‍ച്ച്‌ ബിഷപ്‌ ഷെബോ സര്‍ക്കീസി യാന്‍, ബിഷപ്‌ നരേഗ്‌ അലേമിസിയാന്‍, ഫാ. മെസ്‌റോബ്‌ സര്‍ക്കീസിയാന്‍ എന്നിവ രും കാതോലിക്കാബാവായ്‌ക്ക്‌ ഒപ്പമുണ്‌ടായിരുന്നു.
വികാരി ജനറാള്‍മാരായ മോണ്‍. മാത്യു വെള്ളാനിക്കല്‍, മോണ്‍. ജോസഫ്‌ നടുവിലേഴം എന്നിവര്‍ ചേര്‍ന്ന്‌ വിശിഷ്‌ടാതിഥികളെ സ്വീകരിച്ചു.
ബിഷപ്‌ മാര്‍ ജോസഫ്‌ പള്ളിക്കാപറമ്പില്‍, മലങ്കര ഓര്ത്തഡോക്സ് സഭ മെത്രാപ്പോലീത്ത ഗബ്രിയേല്‍ മാര്‍ ഗ്രിഗോറിയോസ്‌ എന്നിവര്‍ സന്നിഹിതരായിരുന്നു.
റവ. ഡോ. ഫിലിപ്പ്‌ നെല്‍പ്പുരപ്പറമ്പില്‍, റവ. ഡോ. ജോസഫ്‌ മുണ്‌ടകത്തില്‍, ഡോ. പി.സി അനിയന്‍കുഞ്ഞ്‌, കെ.ടി സെബാസ്റ്റ്യന്‍ തുടങ്ങി യവര്‍ ചര്‍ച്ചകളില്‍ പങ്കെടുത്തു.
.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
കുറിപ്പ്: ഈ ബ്ലോഗിലെ ഒരു അംഗത്തിനു മാത്രമേ അഭിപ്രായം പോസ്റ്റ് ചെയ്യാന്‍ കഴിയൂ.