ക്രൈസ്‌തവര്‍ ക്രിസ്‌തുവിന്റെ സ്‌ഥാനപതിമാര്‍
ചെങ്ങന്നൂര്‍: സുവിശേഷത്തിന്റെ മൂല്യവും ശക്തിയും സമൂഹത്തിന് പകര്‍ന്നുകൊടുക്കുകയാണ് അജപാലകദൗത്യമെന്ന് കിലിക്യയിലെ അര്‍മേനിയന്‍ കാതോലിക്കാ അരാം പ്രഥമന്‍ ബാവാ പറഞ്ഞു. ഓര്‍ത്തഡോക്‌സ് സഭാ ചെങ്ങന്നൂര്‍ ഭദ്രാസന രജതജൂബിലി ആഘോഷങ്ങളുടെ സമാപന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
ക്രിസ്‌തുവിന്റെ സ്‌ഥാനപതിമാരായതിനാല്‍ ക്രൈസ്‌തവര്‍ ക്രിസ്‌തുവിനെ ഉത്തരവാദിത്തത്തോടെ പ്രതിനിധാനം ചെയ്യുന്നവരായിരിക്കണമെന്ന്‌ ബാവ പറഞ്ഞു. ക്രൈസ്തവസാക്ഷ്യത്തിന്റെ സന്ദേശവാഹകരാകാന്‍ അര്‍മേനിയന്‍ ബാവ വിശ്വാസികളെ ആഹ്വാനം ചെയ്തു.
ഫെ 28-നു് ഓര്‍ത്തഡോക്‌സ് സഭ ചെങ്ങന്നൂര്‍ ഭദ്രാസന രജതജൂബിലി സമാപനം ഉദ്ഘാടനം ചെയ്യുകയായിരുന്നു അദ്ദേഹം. ക്രിസ്‌തു ഇടയശ്രേഷ്‌ഠനാണ്‌. ധീരനായ ഇടയന്‍ ആട്ടിന്‍പറ്റത്തിനൊപ്പം കഴിയുന്നു. സഭാ നേതാക്കന്‍മാരും അതുപോലെ പ്രവര്‍ത്തിക്കണമെന്ന്‌ അദ്ദേഹം പറഞ്ഞു.
ഭദ്രാസനാധിപന്‍ തോമസ് മാര്‍ അത്താനാസിയോസ് മെത്രാപ്പോലീത്ത അധ്യക്ഷത വഹിച്ചു. തിരസ്‌കരിക്കപ്പെടുന്നവരെയും നിരസിക്കപ്പെടുന്നവരെയും സ്വീകരിച്ചു വെളിച്ചത്തിലേക്കു നയിക്കുന്നതാണ്‌ സഭയുടെ ദൗത്യമെന്ന്‌ അദ്ദേഹം പറഞ്ഞു.
വിശ്വാസത്തിനുനേരേ കടന്നാക്രമണം നടക്കുമ്പോഴും യഥാര്‍ഥവിശ്വാസത്തില്‍ അടിയുറച്ചു നില്‍ക്കണം.
കാതോലിക്കോസ് ബസേലിയോസ്‌ മാര്‍ത്തോമ്മാ ദിദിമോസ്‌ പ്രഥമന്‍ ബാവ മഹാപുരോഹിത സന്ദേശം നല്‍കി. ബാവായുടെ സന്ദേശം മാത്യൂസ് മാര്‍ തിമോത്തിയോസ് മെത്രാപ്പോലീത്ത വായിച്ചു. വര്‍ത്തമാനകാലത്തിന്റെ വെല്ലുവിളികളെയും ഭീഷണികളെയും നേരിടാന്‍ ദൈവത്തിന്റെ അനുഗ്രഹം പ്രാപിക്കണമെന്ന്‌ അദ്ദേഹം പറഞ്ഞു.
ഭദ്രാസന സെക്രട്ടറി ഫാ.മാത്യു വര്‍ഗീസ് ജൂബിലി റിപ്പോര്‍ട്ട് അവതരിപ്പിച്ചു. നിയുക്ത കാതോലിക്കാ പൗലോസ് മാര്‍ മിലിത്തിയോസ് മെത്രാപ്പോലീത്ത ഭദ്രാസന ഡയറക്ടറിയുടെ പ്രകാശനവും മുഖ്യ പ്രഭാഷണവും നടത്തി. ജൂബിലി സ്‌മാരക ഭവന താക്കോല്‍ദാനം മന്ത്രി പി.ജെ. ജോസഫ് നിര്‍വഹിച്ചു. ജീവകാരുണ്യഫണ്ട്‌ വിതരണം ചെയ്‌തുകൊണ്ടു് ഭദ്രാസന ചാരിറ്റി പ്രവര്‍ത്തനങ്ങളുടെയും ഭൂഭദ്രതാ വര്‍ഷാചരണത്തിന്റെയും ഉദ്ഘാടനം മന്ത്രി കടന്നപ്പള്ളി രാമചന്ദ്രന്‍ നടത്തി. പ്രതിപക്ഷ നേതാവ് ഉമ്മന്‍ചാണ്ടി ജൂബിലി സ്മരണിക പ്രകാശനം ചെയ്തു.
ആര്‍ച്ച്‌ബിഷപ്‌ മാര്‍ ജോസഫ് പൗവത്തില്‍, ഡോ.സഖറിയാസ് മാര്‍ തിയോഫിലോസ്, കുര്യാക്കോസ് മാര്‍ ക്ലീമ്മിസ്, ജോസഫ് മാര്‍ തെയോഫിലോസ് സഫ്രഗന്‍ മെത്രാപ്പോലീത്ത, ഡോ.യൂഹാനോന്‍ മാര്‍ ക്രിസോസ്റ്റമോസ്, ഡോ.ഗബ്രിയേല്‍ മാര്‍ഗ്രിഗോറിയോസ്,ഡോ.മാത്യൂസ് മാര്‍ തിമോത്തിയോസ്, ജോസഫ് മാര്‍ ദിവാന്നാസിയോസ്, നിയുക്ത മെത്രാന്‍മാരായ ഫാ.ജോണ്‍ മാത്യൂസ്, യൂഹാനോന്‍ റമ്പാന്‍, നഥാനിയേല്‍ റമ്പാന്‍ എന്നിവര്‍ അനുഗ്രഹ പ്രഭാഷണം നടത്തി.
എം.പി.മാരായ പ്രൊഫ.പി.ജെ.കുര്യന്‍, കൊടിക്കുന്നില്‍ സുരേഷ്, പി.സി.വിഷ്ണുനാഥ് എം.എല്‍.എ., നഗരസഭാ ചെയര്‍മാന്‍ രാജന്‍ കണ്ണാട്ട്, റവ.കെ.ഒ.ഫിലിപ്പ് കോര്‍ എപ്പിസ്‌കോപ്പ, ഡോ.ജോര്‍ജ് ജോസഫ്, ഫാ.തോമസ് വറുഗീസ് അമയില്‍, പ്രൊഫ.വി.ഐ. ജോസഫ്, ചാക്കോ വറുഗീസ്, അഡ്വ.വി.സി.സാബു എന്നിവര്‍ പ്രസംഗിച്ചു.
സമ്മേളനത്തിന് മുന്നോടിയായി ജൂബിലി ഘോഷയാത്ര നടന്നു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
കുറിപ്പ്: ഈ ബ്ലോഗിലെ ഒരു അംഗത്തിനു മാത്രമേ അഭിപ്രായം പോസ്റ്റ് ചെയ്യാന്‍ കഴിയൂ.