മേല്‍പ്പട്ട സ്ഥാനത്തേക്ക് ഏഴുപേരെ തെരഞ്ഞെടുക്കുന്നതിനായി 11 സ്ഥാനാര്‍ത്ഥികള്‍
കോട്ടയം: പ്രതിസന്ധികളില്‍ തളരാതെ വെല്ലുവിളികളെ അതിജീവിച്ച്‌ ക്രൈസ്‌തവസാക്ഷ്യം നിറവേറ്റുന്നതിന്‌ തയാറാകണമെന്ന്‌ ഓര്‍ത്തഡോക്‌സ്‌ സുറിയാനി സഭാ പരമാചാര്യന്‍ പൗരസ്ത്യ കാതോലിക്കോസ് – പാത്രിയര്‍ക്കീസ് പരിശുദ്ധ ബസേലിയോസ് മാര്‍ത്തോമ്മാ ദിദിമോസ് പ്രഥമന്‍ ബാവ ആഹ്വാനംചെയ്‌തു. കോട്ടയം പഴയ സെമിനാരിയില്‍ 2010 ജനുവരി 21 നു് നടന്ന സഭാ മാനേജിംഗ് കമ്മിറ്റിയോഗത്തില്‍ അധ്യക്ഷപ്രസംഗം നടത്തുകയായിരുന്നു പരിശുദ്ധ പിതാവു്.
മുന്‍ മാനേജിംഗ് കമ്മിറ്റിയംഗങ്ങളായ ഫാ.എം.ടി ജോസഫ് കോര്‍ എപ്പിസ്‌കോപ്പ, പ്രഫ.ഇ.ജെ ജോണ്‍, ബേബി അലക്‌സ്‌, ഡോ.ടി.തോമസ് മാണി എന്നിവരുടെ നിര്യാണത്തില്‍ യോഗം അനുശോചിച്ചു.
മാനേജിംഗ് കമ്മിറ്റി അംഗമായി അരനൂറ്റാണ്‌ട്‌ സേവനമനുഷ്‌ഠിച്ച മുന്‍ സഭാ സെക്രട്ടറിയും ട്രസ്റ്റിയുമായ പി.സി ഏബ്രഹാം പടിഞ്ഞാറെക്കരയെ കാതോലിക്കാബാവ സ്വര്‍ണ പതക്കം അണിയിച്ച്‌ ആദരിച്ചു.
പരിശുദ്ധ ബസേലിയോസ് മാര്‍ത്തോമ്മാ ദിദിമോസ് പ്രഥമന്‍ ബാവായുടെ അദ്ധ്യക്ഷതയില്‍ ചേര്‍ന്ന മാനേജിംഗ് കമ്മറ്റി യോഗം കല്‍ക്കട്ടാ ഭദ്രാസനാധിപന്‍ ഡോ. ജോസഫ് മാര്‍ ദീവന്നാസ്യോസ് നയിച്ച ധ്യാനത്തോടെയാണ് ആരംഭിച്ചത്. ശ്രേഷ്ഠ നിയുക്ത കാതോലിക്കാ പൌലോസ് മാര്‍ മിലിത്തിയോസ് ആമുഖപ്രസംഗം നടത്തി. സെക്രട്ടറി ഡോ. ജോര്‍ജ് ജോസഫ് നോട്ടീസ് കല്‍പ്പന വായിച്ചു. മേല്പട്ട സ്ഥാനത്തേക്ക് ഏഴു പേരെ തെരഞ്ഞെടുക്കുന്നതിനായി ഫെബ്രുവരി 17 ന് ശാസ്താംകോട്ട മാര്‍ ഏലിയാ ചാപ്പല്‍ അങ്കണത്തില്‍ ചേരുന്ന മലങ്കര സുറിയാനി ക്രിസ്ത്യാനി അസ്സോസ്സിയേഷന്റെ പരിഗണനയ്ക്കായി സമര്‍പ്പിക്കുന്നതിന് താഴെപ്പറയുന്ന 11 സ്ഥാനാര്‍ത്ഥികളെ യോഗം തെരഞ്ഞെടുത്തു.
1. ഫാ. ഡോ. ജോര്‍ജ് പുലിക്കോട്ടില്‍
2. ഫാ. ഡോ. സാബു കുര്യാക്കോസ്
3. റവ. യൂഹാനോന്‍ റമ്പാന്‍
4. ഫാ. ഡോ. ജോണ്‍ മാത്യൂസ്
5. ഫാ. വി. എം. ഏബ്രഹം
6. റവ. ഡോ. നഥാനിയേല്‍ റമ്പാന്‍
7. ഫാ. വി. എം. ജെയിംസ്
8. റവ. ഇലവുങ്കാട്ട് ഗീവര്‍ഗ്ഗീസ് റമ്പാന്‍
9. ഫാ. സ്കറിയാ ഒ. ഐ. സി
10. ഫാ. എം. കെ കുര്യന്‍
11. ഫാ. ജെ. മാത്തുക്കുട്ടി.
സ്ക്രീനിങ് കമ്മിറ്റി സമര്‍പ്പിച്ച 14 പേരില്‍നിന്നാണു് ഇവരെ തെരഞ്ഞെടുത്തതു്. ഫാ.ഒ.പി. വർഗീസ്, വെരി. റവ. ഗീവർഗീസ് റമ്പാൻ (ദേവലോകം), ഫാ. പി.സി.തോമസ് എന്നിവരാണു് പുറത്തായ സ്ഥാനാർഥികൾ
ജസ്റ്റീ സ്‌ കെ.ജോണ്‍ മാത്യു വരണാധികാരിയായിരുന്നു.
.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
കുറിപ്പ്: ഈ ബ്ലോഗിലെ ഒരു അംഗത്തിനു മാത്രമേ അഭിപ്രായം പോസ്റ്റ് ചെയ്യാന്‍ കഴിയൂ.