ആലുവ/തൃക്കാക്കര: ഹൈക്കോടതി ഉത്തരവിന്റെ അടിസ്ഥാനത്തില്‍ ആലുവ തൃക്കുന്നത്ത്‌ സെമിനാരി സെന്റ്‌ മേരീസ്‌ പള്ളി രണ്ടുദിവസത്തേക്ക്‌ തുറക്കുന്നതിനു് സ്വീകരിക്കേണ്ട ക്രമാകരണങ്ങളുമായി ബന്ധപ്പെട്ടു് കലക്ടര്‍ ഇന്നലെ (ജനു 22)വിളിച്ച യോഗത്തില്‍ മലങ്കര ഓര്‍ത്തഡോക്‌സ്‌ സഭയുടെയും യാക്കോബായ സുറിയാനി ക്രിസ്ത്യാനി സഭയുടെയും പ്രതിനിധികള്‍ പങ്കെടുത്തു.
കോടതി ഉത്തരവുപ്രകാരം നടപടിക്രമങ്ങള്‍ പൂര്‍ത്തീകരിക്കുമെന്ന്‌ കലക്ടര്‍ അറിയിച്ചു. കലക്ടര്‍ക്കു പുറമെ റൂറല്‍ എസ്‌പി ടി വിക്രം. എഎസ്‌പി ജയനാഥ്‌, ഡിവൈഎസ്‌പി അനില്‍കുമാര്‍, ആലുവ തഹസീല്‍ദാര്‍ സുജാത, യാക്കോബായ സുറിയാനി ക്രിസ്ത്യാനി സഭാ വിഭാഗത്തെ പ്രതിനിധീകരിച്ച്‌ ജോസഫ്‌ മാര്‍ ഗ്രിഗോറിയോസ്‌, മാത്യൂസ്‌ മാര്‍ അപ്രേം, തമ്പു ജോര്‍ജ്‌ തുകലന്‍,മലങ്കര ഓര്‍ത്തഡോക്‌സ്‌ സഭാ വിഭാഗത്തെ പ്രതിനിധീകരിച്ച്‌ മത്തായി ഇടയനാല്‍, ഫാ. ജോണി ജോര്‍ജ്‌, യാക്കോബ്‌ തോമസ്‌ തുടങ്ങിയവര്‍ പങ്കെടുത്തു.
ജനവരി 18 ന്‌ ജില്ലാ കളക്ടറുടെ നേതൃത്വത്തില്‍ ചേര്‍ന്ന യോഗത്തില്‍ ഇരുവിഭാഗവും സമ്മതിച്ചവ്യവസ്ഥ പ്രകാരമാണ്‌ പെരുന്നാള്‍ ദിവസങ്ങളില്‍ ആരാധന അനുവദിക്കുക.ഇന്നും നാളെയും രാവിലെ ഏഴ്‌ മുതല്‍ 11 വരെ ഓര്‍ത്തഡോക്‌സ്‌ പക്ഷത്തിനും ഉച്ചയ്‌ക്ക്‌ ഒന്ന്‌ മുതല്‍ അഞ്ച് വരെ യാക്കോബായ സുറിയാനി ക്രിസ്ത്യാനി സഭാ പക്ഷത്തിനുമാണ്‌ ആരാധനയ്‌ക്ക്‌ സമയം അനുവദിച്ചിട്ടുള്ളത്‌. പത്ത്‌ പേര്‍ വീതമുള്ള സംഘത്തിന്‌ പത്ത്‌ മിനിറ്റ്‌ മാത്രമേ ആരാധന നടത്താനാകൂ. കോടതി ഉത്തരവ്‌ കണിശമായി നടപ്പാക്കുമെന്ന്‌ പൊലീസ്‌ പറഞ്ഞു.ഇരുകൂട്ടരുടെയും ബാവമാര്‍ക്ക്‌ അഞ്ച് മിനിറ്റ്‌ കബറിടത്തിലും അഞ്ച് മിനിറ്റ്‌ നേരം പള്ളിയിലും പ്രസ്‌താവന നടത്തുന്നതിനാണ്‌ അനുമതി.കുര്‍ബാനയര്‍പ്പിക്കാനോ കുര്‍ബാനവസ്ത്രം ധരിക്കാനോ വൈദികര്‍ക്കാര്‍ക്കും അനുമതിയില്ല.
.
എന്തിനിങ്ങനെ കഷ്ടപ്പെടുന്നു?? ദൈവത്തെ ഉധ്ദരിക്കാനോ? തല്ലും വക്കാണവും കോടതി വിധിയും ഉണ്ടായാലേ മരിച്ചുപോയ ബാവമാർക്ക്‌ ഇനി രക്ഷയുള്ളൂ? ചിന്താശേഷി അടിയറവച്ചിരിക്കുന്നവരോട്‌ എന്തുപറയാൻ??
മറുപടിഇല്ലാതാക്കൂ