കൊച്ചി, ജനുവരി 10: ആലുവ തൃക്കുന്നത്ത്‌ സെമിനാരിയും സെന്റ്‌ മേരീസ്‌ പളളിയും യാക്കോബായ സുറിയാനി ക്രിസ്ത്യാനി സഭയുടേതാണെന്ന്‌ വ്യക്‌തമാക്കുന്ന രേഖകള്‍ സര്‍ക്കാര്‍ അധികാരികള്‍ മുമ്പാകെ സമര്‍പ്പിച്ചിട്ടുണ്ടെന്ന്‌ അന്ത്യോക്യന്‍ സുറിയാനി ഓര്ത്തഡോക്സ് സഭയുടെ അതിരൂപതയായ യാക്കോബായ സുറിയാനി ക്രിസ്ത്യാനി സഭയുടെ മേലദ്ധ്യക്ഷനായ പ്രാദേശിക കാതോലിക്ക ശ്രേഷ്‌ഠ ബസേലിയോസ്‌ തോമസ്‌ പ്രഥമന്‍ ബാവ വീണ്ടും അവകാശപ്പെട്ടു.
കാതോലിക്കാ വിഭാഗം (മലങ്കര ഓര്ത്തഡോക്സ് സുറിയാനി സഭ) അനധികൃതമായി സെമിനാരിയില്‍ താമസിക്കുന്നത്‌ അവസാനിപ്പിക്കണമെന്ന്‌ അദ്ദേഹം ആവശ്യപ്പെട്ടു. കാതോലിക്കാ വിഭാഗത്തിന്റെ കൈവശം സെമിനാരിയുടേയും സെന്റ്‌ മേരീസ്‌ പളളിയുടേയും അവകാശം തെളിയിക്കുന്നതായ രേഖകളുണ്ടെങ്കില്‍ സര്‍ക്കാരിന്റെ മുമ്പാകെ സമര്‍പ്പിക്കാന്‍ അവര്‍ തയാറാവണം.
സഭയുടെ മൂന്നു പിതാക്കന്മാര്‍ കബറടങ്ങിയിട്ടുളള തൃക്കുന്നത്ത്‌ സെന്റ്‌ മേരീസ്‌ പളളിയെ നാശോന്മുഖമായ അവസ്‌ഥയില്‍ നിന്നും സംരക്ഷിക്കേണ്ടത്‌ വിശ്വാസികളുടെ അവകാശമാണ്‌. ഇനിയും ഈ അവസ്‌ഥ തുടരുവാന്‍ ഇടയാകാതെ അവകാശികളായ യാക്കോബായ സുറിയാനി ക്രിസ്ത്യാനി സഭയ്‌ക്ക് തൃക്കുന്നത്ത്‌ സെമിനാരിയും പളളിയും വിട്ടു കിട്ടാന്‍ ആവശ്യമായ നടപടി കൈക്കൊളളണമെന്ന്‌ അദ്ദേഹം ആവശ്യപ്പെട്ടു.
._. XXXXXXX XXXXXXX ._
വ്യാജരേഖകള്‍ കാട്ടി ഭീഷണി വേണ്ട: ശ്രേഷ്‌ഠ നിയുക്‌ത കാതോലിക്ക
കോട്ടയം, ജനുവരി 11: മലങ്കര ഓര്ത്തഡോക്സ് സുറിയാനി സഭയുടെ ഭരണത്തിലും നിയന്ത്രണത്തിലുമുള്ള ആലുവ തൃക്കുന്നത്ത്‌ സെമിനാരിയുടെ ഉടമസ്‌ഥാവകാശം സംബന്ധിച്ച്‌ രേഖകള്‍ തങ്ങളുടെ പക്കല്‍ ഉണ്ടെന്ന്‌ യാക്കോബായ സുറിയാനി ക്രിസ്ത്യാനി സഭാപക്ഷം വ്യാജ പ്രചാരണം നടത്തി ഭീഷണി മുഴക്കുന്നത്‌ നീതിന്യായവ്യവസ്‌ഥയോടുള്ള വെല്ലുവിളിയാണെന്ന്‌ മലങ്കര ഓര്ത്തഡോക്സ് സുറിയാനി സഭയുടെ മേലദ്ധ്യക്ഷന്‍മാരില്‍ രണ്ടാമനായ ശ്രേഷ്‌ഠ നിയുക്‌ത കാതോലിക്കാ പൗലോസ്‌ മാര്‍ മിലിത്തിയോസ്‌ വ്യക്തമാക്കി.
സെമിനാരി സംബന്ധിച്ച്‌ വ്യവഹാരം നടക്കുമ്പോള്‍ ഇരുവിഭാഗത്തിനും ബോധിപ്പിക്കാനുള്ളവയും ഹാജരാക്കാനുള്ള രേഖകളും കോടതിയില്‍ സമര്‍പ്പിച്ചതാണ്‌ ശ്രേഷ്‌ഠ ബാവ ചൂണ്ടിക്കാട്ടി.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
കുറിപ്പ്: ഈ ബ്ലോഗിലെ ഒരു അംഗത്തിനു മാത്രമേ അഭിപ്രായം പോസ്റ്റ് ചെയ്യാന്‍ കഴിയൂ.