അങ്കമാലി ഭദ്രാസനാധിപന്റെ പിന്‍ഗാമി യൂഹാനോന്‍ മാര്‍ പോളിക്കാര്‍പ്പസ് തന്നെ
കൊച്ചി: ആലുവ തൃക്കുന്നത്ത് സെന്റ്‌ മേരീസ്‌ പളളി ഇടവകപ്പളളിയാണോ എന്നത്‌ സംബന്ധിച്ച അപ്പീലില്‍ കക്ഷി ചേരുന്നതിന്‌ മലങ്കര ഓര്‍ത്തഡോക്‌സ് സുറിയാനി സഭയുടെ അങ്കമാലി ഭദ്രാസന മെത്രാപ്പോലീത്ത എന്ന നിലയില്‍ യൂഹാനോന്‍ മാര്‍ പോളിക്കാര്‍പ്പസിനെയും സെമിനാരി മാനേജര്‍ എന്നനിലയില്‍ ഫാ. യാക്കോബ് തോമസിനെയും വികാരി എന്ന നിലയില്‍ ഫാ. മത്തായി എടയനാലിനെയും ഹൈക്കോടതി അനുവദിച്ചു. കക്ഷി ചേര്‍ക്കണമെന്നാവശ്യപ്പെട്ടു മൂവരും സമര്‍പ്പിച്ച അപേക്ഷ അനുവദിച്ചാണ് ജസ്റ്റിസ് ഹാറുണ്‍-അല്‍ റഷീദിന്റെ ഉത്തരവ്.
അപ്പീല്‍ വാദത്തിനിടെയാണു ഡോ. ഫിലിപ്പോസ്‌ മാര്‍ തെയോഫിലോസിന്റെ പിന്‍ഗാമിയാണ്‌ യൂഹാനോന്‍ മാര്‍ പോളിക്കാര്‍പ്പസെന്നും ഫാ. ജേക്കബ്‌ മണ്ണാറപ്രായിലിന്റെ പിന്‍ഗാമിയാണ്‌ ഫാ. യാക്കോബ് തോമസെന്നും നിരീക്ഷിച്ചുകൊണ്ട്‌ കോടതി യൂഹാനോന്‍ മാര്‍ പോളിക്കാര്‍പ്പസിനെ കക്ഷി ചേരാന്‍ അനുവദിച്ചത്‌.
അപ്പീല്‍ നല്‍കിയ തൃക്കുന്നത്ത് സ്വദേശി ഏലിയാസ് തുടങ്ങിയവര്‍ ഈയാവശ്യം ശക്തമായി എതിര്‍ത്തു.
കേസ്‌ തുടരുന്നതിനു കക്ഷി ചേരേണ്ടത്‌ ആവശ്യമായതിനാലാണ്‌ ഇവരെ കക്ഷി ചേരാന്‍ അനുവദിച്ചത്‌. അപേക്ഷകരെ കേസില്‍ കക്ഷി ചേര്‍ക്കുന്നതിനു മാത്രം ആവശ്യമായ നിരീക്ഷണങ്ങളാണ് ഉത്തരവില്‍ ഉള്ളതെന്ന് കോടതി വ്യക്തമാക്കി.
എന്നാല്‍ കേസില്‍ ഉന്നയിച്ചിട്ടുളള വസ്‌തുതകളുമായോ ആവലാതികളുമായോ ഇതിനു ബന്ധമില്ല.
വികാരി എന്ന നിലയില്‍ ഫാ. മത്തായി ഇടയനാലിനെ കേസില്‍ കക്ഷിചേരാന്‍ നേരത്തെ കോടതി അനുവദിച്ചിരുന്നു. അങ്കമാലി ഭദ്രാസനാധിപന്റെ പിന്‍ഗാമി എന്ന നിലയ്ക്കാണ് യൂഹാനോന്‍ മാര്‍ പോളിക്കാര്‍പ്പസിനെ കക്ഷി ചേര്‍ത്തിട്ടുള്ളത്. നേരത്തെ കേസില്‍ കക്ഷിയായിരുന്ന വികാരിയും മാനേജരുമായ വ്യക്തി സ്ഥലം മാറിപോയതിനാല്‍ വികാരി എന്ന നിലയ്ക്ക് മത്തായി എടയനാലിനും സെമിനാരി മാനേജരായ ഫാ. യാക്കോബ് തോമസിനും കക്ഷി ചേരാന്‍
കോടതി അനുമതി നല്‍കിയിരിക്കുകയാണു്.
കോടതിയുത്തരവു്: 1 2 3 4 5 6
മലയാള മനോരമ
എം റ്റി വി വാര്‍ത്ത ജനുവരി 13
.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
കുറിപ്പ്: ഈ ബ്ലോഗിലെ ഒരു അംഗത്തിനു മാത്രമേ അഭിപ്രായം പോസ്റ്റ് ചെയ്യാന്‍ കഴിയൂ.